Að skráningu lokinni eignast hver þátttakandi sitt svæði undir heitinu: „Mínar síður“ en það er svæði hlauparans þar sem hægt er að framkvæma eftirfarandi aðgerðir:
- Breyta persónuupplýsingum t.d. áætluðum lokatíma, peysustærð.
- Prenta út kvittun
- Kaupa rútuferð, mat eða annan varning (frá 1. febrúar - 1. júlí 2025)
Til þess að fara inn á „Mínar síður" þarf netfang skráðs þátttakenda, sendur er síðan innskráningar póstur á það netfang sem þarf að opna og ýta á "verify". Þá opnast nýr gluggi í vafranum sem má loka og halda áfram inn á mínum síðum.
Verslun Laugavegshlaupsins
Rútuferðir
Matur í húsadal
Volcano Huts er staðahaldari í Húsadal og rekur þar alla aðstöðu. Allir þátttakendur geta keypt heitan mat á sérstöku tilboðsverði. Boðið verður uppá:
Heit máltíð: Lambakjöt, grænmetislasagna, kartöflur, hrásalat, rauðkál, grænar baunir og sósa.
Súpa: Kjötsúpa, grænmetissúpa, brauð og smjör.
Hægt er að kaupa Hamborgara (kjöt og vegan) á staðnum..* Engin takmörk á fjölda máltíða.
*Breytingar geta átt sér stað áður en verslun opnar
Morgunmatur í Hrauneyjum
Á leiðinni frá Reykjavík til Landmannalauga verður gert 30 mínútna morgunverðarstopp í Hrauneyjum. Líkt og síðustu ár verður í boði morgunverðarhlaðborð með fjölbreyttu úrvali þar sem öll ættu að geta fundið eitthvað við sitt hæfi.
Peysustærðir
Innifalið í skráningargjaldi Laugavegshlaupsins í ár er Grettir Polartec® Power Dry® frá 66° Norður sem andar einstaklega vel og þornar fljótt. Flíkin er með rennilás í háls og flötum saumum sem erta ekki húðina. Hlauparar eru hvattir til að kynna sér vel stærðir áður en skráning fer fram til að tryggja að flíkin passi eins vel og hægt er.
Peysurnar eru fáanlegar í beinu sniði (karlasnið) og aðsniðið eða slim-fit (kvennasnið). Athugið að slim-fit sniðið er í frekar litlum stærðum.
